Matagal tagal na rin pala nang huli akong nakapag post dito. Akala ko nga ay di na ulit.
Lately, I have been experiencing some problems regarding my relationship. Di ko alam kung paano pero parang may nagbago. Alam niyo yung pakiramdam na parang may mali pero di mo alam kung saan?
Kaya nagdecide ako na magfocus na lang muna sa relationship ko kaya di ako masyado nakaka online. I gave time and effort to save the relationship. Fix this as soon as possible. Sayang naman ang a year of being together namin kasi medyo matagal na rin yun.
Akala ko nung una, ako ang may fault. Marahil kasi, di ko na rin siya nabibigyan ng halaga kasi lagi ako busy sa work. Pero napansin ko, malala na pala ang problema namin. Parang mas lalo kami nag away at ang nagiging mali lagi ay ako. Di siya nakikinig sa akin at lagi niya ako iniisipan ng masama tulad ng pagkakaroon ko 'raw' ng 3rd party.
Pero honestly walang third party. Siya lang talaga at wala ng iba pa. Kung saan man niya hinugot at mga ideyang yon ay sa kanya na lang siguro nanggaling.
Minsan nga, nasa work ako ay tumatawag siya sa cellphone ko pero di ko pede sagutin ang phone ko dahil ako ang mapapagalitan. Alam naman niya un, at lalong alam niya ang aking schedule.
Nang buksan ko ang aking cellphone after ng shift ko, ang dami na niya sinasabi. Baka daw may kasama ako kaya di ko sinasagot kaya pinaliwanag ko naman sa kanya ang totoo kaso parang may fixed na siyang scenario na naisip kung bakit di ko nasagot ang phone ko.
Nakakapagod na rin pala. Bakit nga ba nahihirapan na ako? Paliwanag ako ng paliwanag pero bakit di sia nakikinig?
Nitong huli, naisip ko, pano kung gawin ko nga ang binibintang niya sa akin. Ang maghanap ng iba, ung iintindi sa kin. Nalilito na rin kasi ako, parang ako na lang ang gumagawa ng paraan para maayos to. Baka may makatulong..
Binuhay ko muli ang aking isang account na dati ko nang kinalimutan. Hindi niya alam ang tungkol sa account na ito kasi di ko na rin masyado ito inoopen at dati pa to, bago pa naging kami.
Mga ilang minuto pa lang ako online ay may mga nagmessage na rin. May mga ilan na pumukaw ng interes ko pero nakokonsiyensiya ako. Buti na lang at hindi nakapost ang face pic ko dun.
Nang pa out na rin ako, may isang nagmessage sa kin na wala rin face pic pero familiar ang body pic. Siya un, alam ko dahil ako pa ang kumuha ng pic nia na un. Nakikipagkilala sia sa akin. Nagtatanong kung maaari bang makipagkita or makipagkilala.
Nakakagulat at napakasakit.. Bakit? Kelan pa? Sia nga ba ito?
Andaming pumapasok sa isip ko. Di ko na alam ang gagawin ko. Sinubukan ko sia. Nakipagpalitan ako ng face pic pero ginamit ko ang pic ng iba na nakita ko lang sa facebook. Half praying ako na sana ay hindi sia un. Na gnagamit lang ang body pic nia.
Sa sumunod niang mensahe, nakalagay na ang face pic nia. Matikas ang porma at maangas ang mga mata. Hinding hindi maikakaila, siya nga ang kachat ko.
Dali dali kong isinara ang aking account. Di ko na alam ang gagawin ko. Baka kasalanan ko.. Baka ako ang may mali kaya naghanap sia ng iba? Baka di ito totoo. Baka ganito. Baka ganyan..
Di ko alam, naguguluhan ako.. Tama bang tapusin ko na rin ito? Masakit na, pero kaya ko na ba? Ayoko ng ganitong pakiramdam.. DI ko na alam ang gagawin ko..
